Cryptocurrency ek digital ya virtual currency hai jisko ek exchange ke medium ke taur par use kiya jata hai. Ye ek digital asset hai jisse aap kisi bhi cheez ko kharid sakte hai jaise ki aap apne Normal currency se purchase ho. Is post me hum aapko batayenge ke cryptocurrency kya hai? Aur ye kaise kaam karti hai To chaliye dekhte hain ki cryptocurrency kya hai?
Kya Hai Cryptocurrency ?
Cryptocurrency ek payment ka form hai jisko aap generally online Products aur services ko kharidne aur subscribe karne ke liye use kar sakte hain. Jis tarah se log Rupee (₹), Dollar ($) inke alawa kai aur bhi different currencies ka use product aur services ke exchange ke liye karte hai theek usi tarah se cryptocurrency ka bhi use ek currency ki tarah kiya jata hai. Isko Digital Assets bhi keh sakte hain.
Is currency ko cryptography ke zariye secure kiya gaya hai. Cryptocurrency financial transactions ke liye cryptographical function ka use karta hai. Ye blockchain technology ke zariye decentralization, transparency aur immutability ko maintain karta hai.
Blockchain technology ke decentralized nature ki wajah se cryptocurrency ko government control nahi karti hai. Aur ye hi wajah hai ke iske value ko regulate nahi kiya ja sakta hai.
Cryptocurrency ka sab se important feature ye hi hai ke isko koi central authority control nahi karta hai.
Private aur Public keys ka use karke cryptocurrency ko 2 parties ke beech me directly transfer kiya ja sakta hai.
Aaj cryptocurrency ko poore duniya me zyadatar log jante hai. To chaliye ab malum karte hain ke cryptocurrency kaam kaise karta hai?
Cryptocurrency Kaam Kaise Karti hai?
Logo ke beech me cryptocurrency ka transaction “cryptocurrency wallets” software ke use se hota hai. Transaction karne wala person apne balance ko ek account (AKA a public address) se dusre account me transfer karne ke liye wallet software ka use karta hai. Fund transfer karne ke liye account se related password (AKA ek private key) ki zaroorat hoti hai.
Logo ke beech me kiye jane wale transactions ko encrypt kiya jata hai aur phir use cryptocurrency ke network par broadcast kiya jata hai. Aur public ledger (record-keeping system) me add karne ke liye queue me add kar diya jata hai.
Aur phir transaction ko public ledger par “mining” process ke zariye se record kiya jata hai. Kisi bhi cryptocurrency ke sabhi user ke paas ladger ka access hota hai agar wo access ko choose karte hai.
Yahan par transacted amount kitna hai ye public me hota hai lekin transaction kisne kiya hai wo encrypted hota hai. Har ek transaction ke sath ek unique key ka set hota hai.
Jo bhi us key ke set ko hasil karta hai wo us key se related cryptocurrency ke amount ka owner ho jata hai, theek usi tarah jis tarah ek bank account ka malik us account me jitne bhi paise hote hai uska malik hota hai.
Ek sath bahut se transactions ledger me add kiye jate hai. Transactions ke in blocks ko miners sequentially add karte hai. Ye hi wajah hai ke ledger aur iske peeche ke technology ko “block” “chain” kaha jata hai. Ye transaction ke “blocks” ki ek “chain” hai.
Cryptocurrency Ke Fayde aur Nuqsan
Fayde/ Benefits
⦁ Bina kisi third party (bank ) ke cryptocurrency ko directly do logo (P2P) ke beech me transfer karna aasan hai.
⦁ Ye public keys aur private keys ki help se secure kiya jata hai, jiski wajah se ye bahut secure hai.
⦁ Dusre payment option ke comparison me isme transaction fee bhi bahut kam hai.
Nuqsan/ Drawbacks
⦁ Isko samjhna Thoda sa Mushkil hai – Cryptocurrencies new hai aur aur iske baare me logo ko abhi bahut zyada maloom nahi hai. Log proper knowledge ke bina isme invest karke apne assets (capital/ money) ka nuqsan kar sakte hai.
⦁ Lack of knowledge – Logo ko ye nahi pata hai ke cryptocurrency ko use kaise karein aur is tarah se wo scamers ke liye raaste khol dete hai.
⦁ Not accepted widely – Bahut sare websites aur companies abhi tak digital currency ko accept nahi karte hai. Bahut kam countries ne iske use ko legalize kiya hai. Isliye ye aapke everyday aur routine use ke liye ideal nahi hai.
⦁ Apne wallet ko aap loss kar sakte hai – Aapko apne wallet ko loss karne ki possibility bani rahti hai. Agar aap ek baar apne coins ko lost kar dete hai to phir aap usko wapas nahi pa sakte hai.
⦁ No reverse payment – Agar aap mistake se kisi ko payment kar dete hai to aapke pass us payment ko reverse karne ka koi option nahi hai.
Ummid hai aapko cryptocurrency ka ye article samajh aaya hoga
(kya hai cryptocurrency ?) informative laga hoga. Agar aapka koi sawaal hai to aap humse comment section me pooch sakte hain.